視帝視后下月揭盅，今年回流連拍兩劇的周海媚（海味），雖然是候選人之一，不過她對獎項淡然視之，反而喜歡隔岸觀火。近月日夜開工的海味，正計劃明年初完成工作後出國旅行，享受陽光與海灘之餘，亦不排除入鄉隨俗，一嘗天體裸曬，她說：「我身材都唔輸蝕o架！」

每拍完一個劇或做完一個大型演出，海味都會放自己一個假期，好好休息調節自己，然後再全情投入新工作。今年海味卻為TVB「破戒」，連續拍了《學警狙擊》和《蔡鍔與小鳳仙》兩部劇集，而且事隔12年再開金口為兩劇唱主題曲。

懶理爭獎
照計數，海味當然是爭奪「視后」熱門之一，但外界焦點卻沒有放在她身上，不過她對於爭奪視后卻顯得從容，她說：「我享受拍劇過程和觀眾反應，獎項只係錦上添花，平常心啦！」然而，海媚仍為好友謝天華角逐「男配角」和「喜愛角色」而緊張。

「拍《蔡》劇與劉松仁合作，我獲益良多，佢認真嘅態度，令對手感到好大壓力，但呢種感覺偏偏亦係我嘅推動力，所以我哋合作得好開心。除咗松哥，劇中嘅馬國明和湯盈盈都係我嘅學習對象。」時常抱着感恩的態度，海味看到的東西比別人多。「馬國明好勤力，湯盈盈中文唔叻，佢比別人花更多時間為對白逐個字拼音和背熟，好用功。」其實海味亦為「小鳳仙」花了不少心思，甚至增肥。「雖然正史無記載『小鳳仙』嘅事迹，但我翻看過不少佢嘅故事和相片，知道佢係有啲啲肉地，所以盡量學習。」

隨心揀job
海味85年參選港姐，雖然沒有當選，卻獲賞識羅致拍劇，處女作《楊家將》楊九妹火速竄紅，夥拍粒粒當紅小生，電視和電影作品至今超過80部，近年轉戰內地和東南亞拍劇和廣告，稱她「小富婆」實不為過，海味開懷地笑，她沒有否認。「我好鍾意拍戲，喜歡工作帶來成功感，我依家隨心揀工作，可以接受未做過嘅嘢，例如舞台劇。」近日她為內地大製作電視劇《大潮如歌》埋位，由於在北京取景，對於已定居當地的她，非常方便。

雖然日夜趕工致體力透支，但性格樂觀的海味，心裏卻在期待明年初完工後的悠長假期。「最鍾意出國旅行，休息之餘亦可增廣見聞，預計農曆新年可以起行，陽光與海灘係我嘅首選。（你會去天體海灘嗎？）當然會。」會否入鄉隨俗，天體裸曬嗎？海味想也不想，爽快地說：「OK，個個都係咁，冇所謂，況且我身材都唔輸蝕o架！」海味清脆的笑聲，不難想像她的腦袋已充滿度假的畫面。

拍拖唔煲電話粥
去年三月，黎明被本報獨家披露與樂基兒秘密結婚後，不少名人明星陸續被踢爆在拉斯維加斯「靜雞雞」結婚，其實早在八八年，海味與呂良偉已在美國舉行婚禮，卻因為手續未完成，這段「烏龍婚姻」只維持了一年。屈指一算，海味可說是創賭城結婚先河，好潮耶！

無暇結婚
最近海味的名字在賭城結婚網站出現，難道她與拍拖六年貌似「欄王」劉翔的商人男友拉埋天窗？連聲恭喜，怎料海味不停哈哈大笑，冷靜後她說：「諗多咗啦！同名同姓，個男人名都唔啱，唔係我哋，係我唔怕認。」

追問婚期，海味認真地想了幾秒又數數手指，說：「未來兩年都無可能，我哋都好忙，未有檔期結婚。其實我哋感情穩定，大家都係性格獨立嘅人，我哋平時連電話粥都唔煲，早前中秋節因為工作都無辦法一齊慶祝。」

市場轉移吸人仔
人民幣貴過港紙，周海媚早佔先機，十年前已轉戰內地，而近年亦陸續有女星銳意「市場轉移」，到內地發展變身吸金王。

梁詠琪
單是今年上半年走內地百個城市，勁賺七位數字「人仔」，並準備買千萬元超級豪宅做業主。

蔡少芬
03年起主攻內地劇與老公張晉密密開工賺人仔，唔憂做的她近年積極參與宗教活動。

李彩華
04年起轉戰內地勁拍劇集和電影，密密賺買車又買樓，升呢小富婆。